ССВ: Санитария-эпидемиологик осойишталик ва жамоат саломатлиги хизматига 1,3 миллион АҚШ долларилик ускуналар топширилди

АҚШ Халқаро тараққиёт агентлиги (USAID) томонидан молиялаштирилган ушбу лойиҳа Ўзбекистоннинг миллий иммунизация тизимини мустаҳкамлашга қаратилган.

Унга мувофиқ, Санитария-эпидемиологик осойишталик ва жамоат саломатлиги хизматига ўта зарур бўлган совуқ занжир ускуналари ва компьютерлари топширилди.

Мазкур технология ва воситаларнинг умумий қиймати 1,3 миллион АҚШ долларига тенг.

Улар:

671 та совутгич,

212 та музлатгич,

150 та компьютердан иборат.

Янги ускуна ва жиҳозлар мамлакатимиздаги бирламчи тиббий ёрдам муассасаларига тарқатилади.

Соғлиқни сақлаш вазирлиги расмий телеграм канали — t.me/ssvuz 
Соғлиқни сақлаш вазирлиги Жамоатчилик билан алоқалар бўлими @ssvmatbuotkotib