Parij shahrida "O'zbekiston - Frantsiya" birinchi tibbiyot forumi bo'lib o'tdi
O'zaro hamkorlikning yangi ufqlariga bag'ishlangan ushbu nufuzli tadbir Evropa va tashqi ishlar vazirligi iqtisodiy diplomatiya direktori Lyudovik PUYe, O'zbekiston Respublikasi Sog'liqni saqlash vaziri Asilbek Xudayarov hamda "French Healthcare" assosiasiyasi Prezidenti Jan-Per Boffining kirish so'zlari bilan boshlandi.
Forum doirasida onkologiya, shoshilinch tibbiy yordam, mutaxassislar malakasini oshirish kabi yo'nalishlarda panel muhokamalari va "B2B" muzokaralari o'tkazildi.
Muloqot davomida ikki mamlakat klinikalari va shifoxonalari o'rtasida to'g'ridan-to'g'ri hamkorlik aloqalarini mustahkamlash masalasiga alohida e'tibor qaratildi.
Ayni paytda Frantsiyada bo'lib turgan SSV matbuot xizmati jamoasi tomonidan tayyorlangan videolavha ushbu forum tafsilotlariga bag'ishlangan.
O'zbekiston Respublikasi Sog'liqni saqlash vazirligi Matbuot xizmati.